Mujh Se Ab Aur Tamaasha...

Mujh Se Ab Aur Tamaasha Ho Nahi Sakta,

Lay Jaa, Yeh Dikhaaway Ki Hansi Bhi Aa Kr.!

Hum Ne Maana Kay Taghaful Na Kro Gay Lakin...

Hum Ne Maana Kay Taghaful Na Kro Gay Lakin,

Khaak Ho Jaayein Ge Hum Tum Ko Khabar Honay Tak.!

Chalo Yeh Zindagi Ab Hum Tumhary Naam Karty Hain..

Chalo Yeh Zindagi Ab Hum Tumhary Naam Karty Hain,

Sunna Ha Be-Wafa Ki, Be-Wafa Sey Khoob Banti ha..!

Haal Ha Ik Ajab Faraaghat Ka...

Haal Ha Ik Ajab Faraaghat Ka,

Apna Hr Gham Mana Chuka Hun Main.!

Sabab ronay ka wo poochain to...

Sabab ronay ka wo poochain to itna kehna qaasid,

Mujhay hansna nahi aata, Jahan pr tm nahi hotay..!

Khuda Karay salaamat rahay

Khuda Karay salaamat rahay kisi dua ki trha,

Ik tu aur doosra muskaraana tera..!

Mujh pe pathar uchaalnay walay

Mujh pe pathar uchaalnay walay,

Aik baaqi ha tere seenay main.!

Mohabbat Jheeel Si Ha...

Mohabbat Jheeel Si Ha,

Naa Jaanay Kitni Gehri Ha.!

Hanstay Huay Chehron Ko

Hanstay Huay Chehron Ko Ghamon Se Aazad Na Samjho,

Hazaaron Gham Chupay Hotay Hain Halki Si Muskaan Main.!

Jaanay Waalay Manzilon Ko

Jaanay Waalay Manzilon ko jaatay jaatay keh gaye,

Tum raastay ki dhool thay, So raastay main reh gaye.!

Qudrat Kay Haseen Manzar Main

Qudrat Kay Is Haseen Manzar Main,

Mere Yaar Ka Bhi Shumaar Hota Ha.!

Tum Ne Chorra Jab Se Aansoo Ponchna

Tum Ne Chorra Jab Se Aansoo Ponchna,

Hum Ko Ronay Ka Mazza Aata Nahi..!

Kitni Dilkash Ha Khamoshi Teri

Kitni Dilkash Ha Khamoshi Teri,

Meri Saari Baatain Fazool Hon Jesay.!

Main Apnay Aap Say Ghabra Gia Hun...

Main Apnay Aap Say Ghabra Gia Hun,

Aay Zindagi Mujhay Deewana Kr Dey.!

Kayi Roug De Gayi Ha

Kayi Roug Dey Gayi Ha,

Naaye Mousam Ki Baarish,

Mujhay Yaad Aa Rahay Hain,

Mujhay Bhool Jaanay Waalay..!

Kahin be kinaar se ratjagey kahin zernigar se khwab de

Kahin be kinaar se ratjagey kahin zernigar se khwab de

Tera kya usul hai zindagi Mujhey kaun isska hisaab de

Jo bichha sakun teray wastey jo saja sakein teray raastay

Meri dastaras mein sitarey rakhh Meri muththiyon ko gulaab de

Yeh jo khwahishon ka parind hai issey mosamon se gharz nahin

yeh urrey ga apni hi mauj mein issey aab de kay sarab de!

Tujhey chhu liya tou bharak uththey meray jsim o jaan mein charagh se 

Issi aag mein mujhey raakh ker issi sholagii main shabaab de

KAbhi yuun bhi ho teray ru baru mein nazar mila ker yeh keh sakun

� meri hasraton ko shumar ker meri khwahishon ka hisaab de�

Teri ik nigah kay faiz se meri kasht-e-harf chamak uththey

mera lafz lafz ho kehkashan mujhey aik aesi kitaab de

Maan liya sach kehti ho

Maan liya sach kehti ho..

Mujh se Mohabat karti ho..

Meray khawabo'n ki duniya mein rehti ho..

Meri Yaad ke Aalem...

Door Khilaa mein...

Akser takti rehti ho..

Din socho'n mein kat jata hai..

Raat ko neend nahi ati..

Ek Ek tara ginti ho..

Ye bhi sach hai...!!

Apney Hussn ki barish se..

Meri zeest ka sehra..

Jal-Thal ker do ge..

Jeevan bhar sukh banto ge..

Lekin.......!

Aye masoom Larki !!

Main bebus hoon..

Chahoo'n bhi to...

Sath tumara dey nahi sakta..

Meray Dukh ki Duniya Tanhaa..

Meray Sukh ki Bat alag hai..

Kis Omeed pe, Kis Barta (Barta= Bharosa)  per..?? 

Mera Daman thamo ge..

Meray hath ki toti-photi..

Tirchi Lakire'n ghaor se dekho..

!.inn mein Tumara naam nahi hai....!

Chalo Ik Or Dunya Mein Tumhare Saath Chaltey Hain

Chalo Ik Or Dunya Mein

Tumhare Saath Chaltey Hain,

Jahan Halaat kuch Bhi Hoon

Magar Hum Saath Rehtey Hoon,

Jahan Mousam koi Bhi Ho Judai ka Na Ho Lekin,

Jahan ka Chaand Bhi Tum Ho,

Jahan Sooraj,

Hawa,

Khushboo,

Or Gullon ka Rang Tum Se Ho,

Jahan Per Dil Dharkney ka Her Ik Ehsas Tum Se Ho,

Jahan Per Merey Jeeney ki

Saari Aas Tum Se Ho,

Chalo Ik Or Dunya Mein

Tumharey Saath Chaltey Hain..!!

kahin chand rahon mein kho gaya khain chandni bhi bhatak gayi

kahin chand rahon mein kho gaya khain chandni bhi bhatak gayi 

mein charagh wo bhi bujha howa, meri raat kesey chamak gayi  

meri dastaan ka urooj tha, teri narm palkon ki chha�oon mein 

merey sath tha tujhey jagna, teri ankh kesey jhapak gayi  

kabhi hum miley bhi to kia miley, wohi dorian wohi fasley 

na kabhi hamarey qadam barhey, na kabhi tumhari jhijhak gayi 

Tere Hath se Mere Hont tak wohi intzar ki Piyas hai 

Mere Naam ki jo Sharab thi kahin raste mein Chhalak gayi 

tujhey bhool janey ki koshishain, kabhi kamyaab na ho sakin 

teri yaad shakh-e-gulab hai, jo hawa chali to lachak gayi 

Chalo tum theak kehtay ho

Chalo tum theak kehtay ho

Muhabbat aur syaasat main,

Sabhi atwaar jaayiz hain,

Chalo hum maan letay hain,

Magar ye jang kaisi hai,

Tum hi mere muqabil ho,

Chalo hum jeet ki khawahish,

Tum hi pe waar detay hain,

Dhanak k pull pe chal k hum,

Gagan k paar jaatay hain,

Chalo hum haar jaatay hain...!

Tum ne apni chahaton ka iqrar manga hai to suno!

Tum ne apni chahton ka iqrar manga hai

to suno!

Dil k sache jazbe

izhar k muhtaj nahi hote

ye to wo jazbe hain jo jugnu ban ker ankhon mein chamkte hain

honton k narm goshon mein reh k

dil mein baste hain

tum mujh mein isi tarha samaye huye ho

k jaise

phool mein khushbu

taron mein chamak

titli mein rang

mera tumhara rishta atoot hai

jism.o.jan ka hai

jo jura rahe to zindagi

or toot jaye to moot.

Yeh thaka thaka sa jo chaand hai

Yeh thaka thaka sa jo chaand hai,

Yah tou khawb hai,kisi aankh ka,

Jissay jaagnay ki saza mili,

Yeh jo chaand hai,yeh azaab hai,

Woh azaab,

jis ney mila dia hai gulaab lamhon ko khak mein,

Yeh jo chaand hai,yeh jawaab hai,

Kisi is tarah kay sawaal ka,

Kah jo aaj tak na utha kabhi kisi zahn mein,

Yeh jo chaand hai,

Yeh tou baab hai kisi dard ka,

Kisi hijr ka,kisi wasl ka,

Kisi zard zard si fasl ka,

Yeh takha thaka sa jo chaand hai,

Kabhi ban paray tou yeh is sey pooch k dekhna,

Issay gahri gahri si neend sey,

Bhala kis ney aa kay jaga diya?

Issay rog kis ney laga diya.....?

kaar-e-duniya main kuch aye dil nahi behtar tu bhi

kaar-e-duniya main kuch aye dil nahi behtar tu bhi 

koocha-e-ishq se chun laya hai kankar tu bhi 

jab talak baam-e-falak par hai, sitara tu hai 

aur agar toot ke gir jaye tau pathar tu bhi 

ye qanaa�t bhi muhabbat ki ataa hai warna 

shehr main aur buhat, aik gadager tu bhi 

mere andazay se kuch barh ke thi zalim duniya 

paaon rakh rah-e-tamanna pe sanbhal ker tu bhi 

ajnabi lagta hai kiyun aalam-e-bedaari mujhay 

kahin rehta hai mere khwaab ke andar tu bhi 

main usi morr pe manzil ki talab chorr aai 

ho liya jab se mere saath safar per tu bhi 

main kiran war shab-e-mah main tujh per utri 

mauj der mauj utha ban ke samander tu bhi 

mangna bhool gai main tau tamanna ka sila 

do jahan saamnay phailay thay baraber tu bhi

Mujhe khud se hain shikaytain Mujhe zindagi se gilaa nahi

Mujhe khud se hain shikaytain Mujhe zindagi se gilaa nahi

Ke jo chaha mene woh paa liya, Nahin aesa kuch jo mila nahi

Mere aas paas hai roshni, Mere raaston mein chirag hain, 

Yeh tere karam ka hai mojzaa, Meri justuju ka silaa nahi

Teri aankh se jo haseen ho, Woh nigaah jag main bani nahi

Tere rukh ko jis se misaal doon, Koi aesa phool khilaa nahi 

Yeh jo teri zulf ka hai haashia, Yeh jo tera chehra hai khush�numa, 

Koi raat aesi siyaah nahin, Kisi subaah mein yeh jala nahi

Yeh jo mehr-o-maa ki hain haaltain! Yeh jo aayino ki hain hairtain, 

Hain azzal se sab yeh isi tarah, Koi apni jagha se hillaa nahi

Kabi Khuwahishon Ne Loota..

Kabi Khuwahishon Ne Loota Kabi Be-Basi Ne Mara,

GiLa Mout Say Nahi Ha Hamain Zindagi Ney Maara..!

Kon Kehta Ha Kay Khuda Nazar Nahi Aata...

Kon Kehta Ha Kay Khuda Nazar Nahi Aata,

Aik Wohi To Nazar Aata Ha Jab Koi Nazar Nahi Aata.!

Phir Say Maazi Ki Yaadon Main Kho Gaye Hum...

Phir Say Maazi Ki Yaadon Main Kho Gaye Hum,

Pucha Jo Kisi Ne Mohabbat Ka Safar Kesa Tha.!

Tum ne Chorra, Jab Se Ansu Ponchna

Tum ne Chorah Jab Se Ansu Ponchna,
Hum Ko Roney Ka Mazza Aaata Nahin.!

Mohabbat Karni Ha To Khuda Se Karo...

Mohabbat Karni Ha To Khuda Se Karo Faraz,

Matti K Khilono Se Kabhi Wafa Nahi Milti.!

Piyar ki kahani mein....

Piyar ki kahani mein such ager mily to,

Umer baandh leti hein larkiyan wafaon sy.!

Ajj Koi Neya Zakham Nahi Dia Us Ne..

Ajj Koi Neya Zakham Nahi Dia Us Ne,

Qaasid! Pata karo Wo Theak Toh Ha..!

Tarq-e-Taluq Se Kiya Hua Haasil..

Tarq-e-Taluq Sey Kiya Hua Haasil,

Tab Bhi Chahtay Thay Ab Bhi Chahtay Hain.!

Kissi ki jaaan jaati hai...

Khuda ki shaan wo mera tarrapna dil lagi samjhe,

Kissi ki jaaan jaati hai, kisi ka dil behelta hai..!

Ab Usay Roz Na Sochun To...

Ab Usay Roz Na Sochun To Badan Toot-ta Ha Faraz,

Ik Umer Ho Gayi Us Ki Yaad Ka Nasha Kartay Kartay.!

Us Shaks Ne Aankhon Se...

Us Shaks Ne Aankhon Se Tableegh Hi Youn Ki,

Main Bina Sochay Mohabbat Pe Imaan Lay Aaya.!

Kisi Ghareeb Qabeelay Ki Aabru Ki Trha...

Kisi Ghareeb Qabeelay Ki Aabru Ki Trha,

Humara Dard Kisi Dard Main Shumar Nahi..!

Wo Bhool Jaye Ga Is Trha Se..

Wo Bhool Jaye Ga Is Trha Se,

Yaqeen Maano Yaqeen Nahi Aata.!

Zamanay Bhar Kay Gham Ya Ik Tera Gham

Zamanay Bhar Kay Gham Ya Ik Tera Gham,

Yeh Gham Ho Ga To Kitnay Gham Na Hon Ge.!

Tun Mera Bann Nahin Sakka Warna...

Tun Mera Bann Nahin Sakka Warna,
Tujh Ko Pana To Mein Ne Chaha Tha.!

Khuda to milta hai...

Khuda to milta hai, Insaan hi nahin milta,

Yeh cheez woh hai jo dekhi kahin kahin meine.!

Jin ke angan mein Ameeri ka shajar lagta hai...

Jin ke angan mein Ameeri ka shajar lagta hai,

Un ka her aaib bhi zamany ko hunar lagta hai.!

(Shajar:Tree)(Aaib:Weakness)

Khulta kisi pay kya...

Khulta kisi pay kya mery dil ka muamla,

Shairon k intekhab nay ruswa kia mujhy.!

Ishq per zor nahin...

Ishq per zor nahin, yeh woh aatish Ghalib,

Ke lagaaye na lage aur bujhaaye na bujhayy.!

Umer Raaigaan Kardi...

Umer Raaigaan Kardi Tab Ye Baat Maani Hai

Mout Aur Mohabbat Ki Ek Hee Kahani Hai

Khail Jo Bhi Tha Jaana.n Ab Hisaab Kia Karna

Jeet Jis Kisi Ho Ham Ne Haar Maani Hai

Vasl Per Bhee Naadim Thay Hijr Per Bhi Sharmindah

Wo Bhi Raaigaani Thi Ye Bhi Raaigaani Hai

Ye Mera Hunar Teri Khusbuoun Se Waabasta

Mere Saaray Lafzon Per Teri Hukmarani Hai

Jaanay Kon Shehzaadah Kab Chura Ke Le Jaaye

Wo Jo Apne Aangan Mein Khusbuoun Ki Rani Hai

Ye Naam Mumkin Nahi Rahay Ga...

Ye Naam Mumkin Nahi Rahay Ga, Muqaam Mumkin Nahi Rahay Ga

Gharoor Lehjay Mein Aa Gaya Tou Kalaam Mumkin Nahi Rahay Ga

Ye Barf Mausam Jo Sheher-e-Jaa.n Mein Kuch Aur Lamhay Theher Gaya Tou

Lahoo Ka Dil Ki Kisi Gali Mein Muqaam Mumkin Nahi Rahay Ga

Tum Apni Saanson Se Meri Saansain Alag Tou Karnay Lagay Ho Laikin

Jo Kaam Aasaan Samajh Rahay Ho Wo Kaam Mumkin Nahi Rahay Ga

Wafaa Ka Kaaghaz Tou Bheeg Jaye Ga Badgumaani Ki Baarishon Mein

Khaton Ki Baatain Tou Khwaab Hon Gi Payaam Mumkin Nahi Rahay Ga

Mein Jaanti Hun Mujhe Yaqeen Hai Agar Kabhi TU Mujhe Bhula De

Tou Teri Aanhkon Mein Roshni Ka Qayaam Mumkin Nahi Rahay Ga

Ye Ham Mohabbat Mein La Ta�alluq Se Ho Rahay Hain Tou Dekh Laina

Duaaein Tou Khair Kon De Ga Salaam Mumkin Nahi Rahay Ga

Kia Zaroori Ha K Hm Haar K Jeetien...

Kia Zaroori Ha K Hm Haar K Jeetien Tabish

Ishq Ka Khel Baraber Bhi To Ho Sakta Hai..!

Meri tanhai barhate hain...

Meri tanhai barhate hain chale jate hain,

Hanss talaab pe ate hain chale jate hain,

Is liye ab mein kisi ko nahin jane deta,

Jo mujhe chorr ke jate hain chale jate hain,

Meri ankhon se bahaa karti hai un ki khushu,

Raftgaa�n khawb mein ate hain chale jate hain,

Shadi-e-marg ka mahol banaa rehta hai,

Aap aate hain rulate hain chale jate hain,

Kab tumhe ishq pe majboor kiya hai hum ne,

Hum to bass yaad dilate hain chale jate hain,

Ap ko kaun tamashaayi samajhta hai yahan,

Aap to aag lagate hain chale jate hain,

Hath pathar ko barhaaon to sagan-e-dunya,

Hairti ban ke dikhate hain chale jate hain..

Abbas Tabish

Pani ankh mein bhar ker...

Pani ankh mein bhar ker laya jasakta hai

Ab bhi jalta sheher bachaya ja sakta hai

Aik mohabbat aur woh bhi nakam mohabat

Lekin is se kaam chalaya ja sakta hai

Dil per paani peeney ati hain umeedien

Is chashmey mein zeher milaya jasakta hai

Mujh gumnaam se poochte hai farhaad o majnoon

Ishq mein kitna naam kamaya ja sakta hai

Yeh mehtab yeh raat ki peshani ka ghao

Esa zakham to dil per khaya jasakta hai

Phatta purana khawb hai mera phir bhi tabish

Is mein apna aap chupaya jasakta hai

Paikar tha wafa ka...

Paikar tha wafa ka, mohabbat ka khuda tha,

Woh shakhss zamaney mein sab se hi juda tha,

Chahat ke khazaney they har lafz mein us ke,

Daaman mera us ne duaaon se bhar tha,

Mujh ko nahin dekha karri dhoop ne chu kar,

Baba mera duniya main mujhe aesa jo mila tha,

Fikrain na zamaney ki kabhi paas bhi ayin,

Hard dard meri hasti se dartaa hi raha tha,

Jab taka raha saanson ka basera mere baba,

Tab tak main ghamon se bachta hi raha tha,

Us shaam ki hiddat mere dil se nahin jati,

Jis shaam tera saaya mere sar se utha tha..

Kal yeh likhti theen...

Kal yeh likhti theen bicharna tumhe manzoor nahin,

Ab yeh kehti ho �mere khat mujhe wapis kar do�,

Main safaayi koi doon ga na wazaahat doon ga,

Tum ko wapis main tumhari yeh amaanat doon ga,

Phir kabhi tumse na milney ki zamanat doon ga,

Bas tumhe tark-e-marasim pe yeh zehmat doon ga,

Tum ho bechain to mein bhi koi masroor nahin,

Kal yeh likhti theen bicharna tumhe manzoor nahin,

Ab yeh kehti ho �mere khat mujhe wapis kar do�..!

Judaa honay ka andheshaa...

Judaa bhi honay ka andheshaa seh nahin saktey,

Hum aik sheher mein ab khush bhi reh nahin saktey,

Yeh roz-o-shab hain hamarey ke aik dusrey se,

Chupaye phirtey hain ehwaal, keh nahin saktey,

Shakist-e-zaat ka izhaar chahtey bhi nahin,

Ajeeb haal hai, hum chup bhi reh nahin saktey,

Haqeeqton ki chattanain bhi apni raah main hain,

Khayal-o-khawb ke daryaa main beh nahin saktey,

Woh be�qasoor hai, aesi bhi koi baat nahin,

Qasoor�waar hain hum, yeh bhi keh nahin saktey..

Main khud pehel karun ya...

Main khud pehel karun ya udhar se ho ibtidaa,

Barsoun guzar gaye hain yehi sochtey huye..!

kabhi mujh ko sath lekar...

kabhi mujh ko sath lekar, kabhi mere sath chal kar

vo badal gaye achanak meri zindagi badal kar

huye jis pe meharaban tum koi khushnasib hoga

meri hasraten to nikalin mere ansuon main dhal k

teri zulf-o-ruKh k qurban dil-e-zar dhundta hai

vahi champai ujale vahi surmai dhundalake

koi phul ban gaya hai koi chand koi tara

jo chirag bujh gaye hain teri anjuman main jal k

mere dosto Khudara mere sath tum bhi dhundo

vo yahin kahin chupe hain mere gam ka rukh badal k

teri bejhijhak hansi se na kisi ka dil ho maila

ye nagar hai ainon ka yahan sans le sambhal k.!

Husnn daulat ka saath deta hai...

Kaun sood-o-ziyaa�n ki duniya mein,

Dard-e-ghurbat ka sath deta hai,

Jab muqaabil hon ishq aur daulat,

Husnn daulat ka saath deta hai..

(sood-o-ziyaan;profit)

Tujh se gilay karoon...

Tujh se gilay karoon tujhe janaa�n manaaon main,

Ik bar apne aap mein aaon to aaon main,

Dil se sitam ki be�saro kaari hawaa ko hai,

Woh gard urraa rahi hai ke khud ko ganwaaon main,

Naadim hoon woh ke jis pe nadaamat bhi ab nahin,

Woh kaam hain ke apni judai kamaaon main,

Kyon�kar ho apne khawab ki aankhon mein wapsi,

Kis taur apne dil ke zamamon mein jaaon main,

Ik rang si kamaa�n ho khushbu sa ik teer,

Marham si ik wardaat ho aur zakham khaon main,

Shikwa sa aik dareecha ho, nasha sa ik sakoot,

Ho shaam aik sharab si aur larr�khraon main,

Phir is gali se apna guzar chahta hai dil,

Ab is gali ko kaunsi basti se laaon main.!

Mujh Ko Begaana Kar Gaye...

Mujh Ko Begaana Kar Gaye Mere Din

Mujh Se Ho Kar Guzar Gaye Mere Din

Ab Na Koi Din Mere Ghar Jaye Ga

Jaanay Kis Ke Ghar Gaye Mere Din

Ab Nahi Hain Mere Koi Din Raat

Ke Mujh Hee Ko Basar Gaye Mere Din

Saari Raatain Gayin Meri Be-Haal

Mere Din ! Be-Asar Gaye Mere Din

Khosha Ab Intezaar Hai Na Umeed

Yaar Yaaran ! Sudhar Gaye Ab Din

Ab Mein Bas Reh Gaya Hun Raaton Mein

Mar Gaye �Jhon� ! Mar Gaye Mere Din

Yeh kafi hai ke hum...

Yeh kafi hai ke hum dushman nahin hain,

Wafaadari ka daava* kyon karain hum..!

(daava;claim)

Kaisa dil aur uske kya gham jee...

Kaisa dil aur uske kya gham jee,

Yu�n hee baatain banaatey hain, hum jee,

Kya bhalaa aasteen aur daaman,

Kab se palkein bhi ab nahi nam jee,

Ussey ab koi baat kya kerna,

Khud se bhi baat kije kam-kam jee,

Dil jo dil kya tha, ek mehfil tha,

Ab hai darham jee aur barham jee,

Baat be-tour ho gayi shayad,

Zakhm bhi ab nahi hai, marham jee,

Haar duniya se maan le shayad,

Dil, hamaare mein ab nahi, dam jee,

Hai yeh hasrat ke zibah ho jaun,

Hai shikan is shikam ki zaalam jee,

Kaise aakhir na rang khele�n hum,

Dil lahoo ho raha hai, jaanam jee,

Hai kharaaba yeh husniya apna,

Roz majlis hai aur maatam jee,

Waqt dam bhar ka khel hai usme,

Besh az besh hai, kam az kam jee,

Hai azal se abad talak ka hisaab,

Aur bus ek pal hai peham jee,

Be-shikan ho gayi hai woh zulfein,

Is gali mein nahi rahe kham jee,

Dasht-e-dil ka ghazaal hee na raha,

Ab bhalaa kis se kijiye ram jee�

Tere mehndi lage hathon pe mera naam...

Tere mehndi lage hathon pe mera naam likha hai,

Zara se lafzz main kitna paighaam likha hai,

Yeh teri shaan ke shayaa�n nahin lekin majboori,

Teri masti bhari ankhon ko mene jaam likha hai,

Main shayar hoon, magar agey na barh paya riwayat se,

Labon ko pankhrri*, zulfon ko mene shaam likha hai,

Mujhe maut aaye gi jab bhi tere pehluu main ayegi,

Tere gham ne bohat acha mera anjaam likha hai,

Meri qismat mein hai ik din griftaar-e-wafaa hona,

Mere chehre pe tere pyaar ka ilzaam likha hai,

Qateel ik khubsurat buut* hai, main jis ka pujaari* hoon,

Mere mazhab ke khaaney mein magar Islam likha hai..

(pankhrri;petal)(buut;idol)(pujaari;worshiper)

Lamha Bhar Apna Hawaon Ko...

Lamha Bhar Apna Hawaon Ko Bananay Waalay

Ab Na Aayein Ge Palat Kar Kubhi Jaanay Waalay

Kia Milay Ga Tujhe Bikhray Howay Khwaabon Ke Siwa ?

Ay Rait Pe Chaand Ki Tasveer Banaanay Waalay

Sab Ne Pehna Tha Baday Shoq Se Kaghaz Ka Libaas

Jis Qadar Loog Thay Baarish Mein Nahaanay Waalay

Mar Gaye Hum Tou Ye Qutbay Pe Likha Jaye Ga

So Gaye Aap Zamaanay Ko Jagaanay Waalay

Dar-o-Deewaar Pe Hasrat Si Barasti Hai �Qateel�

Jaanay Kis Dais Gaye Pyaar Nibhaanay Waalay ?

Teri khushbuu meri saanson main...

Teri khushbuu meri saanson main basaaney aye,

Dil ki dunya mein baharon ke zamaney aaye,

Yeh alag baat hai ke tabeer na de sath mera,

Khawb to jitne bhi aaye woh suhaaney aye,

Woh hai maghroor magar pyar se majboor bhi,

Khud hi naraaz kare khud hi mananey aaye,

Kyon tarss aya hai us ko meri tanhai par,

Woh mujhe meri nazar se na giraaney aye,

Woh bataye na mujhe apne bicharne ka sabab,

Us se keh do woh mera dil na jalaney aye,

Pyaar kya hota hai ab tak mujhe maloom na tha,

Chott khayi to mere hosh thikaaney aye,

Jo mera dil bhi sajaa de mere chehre pe Qateel,

Woh mussawar* meri tasveer bananey aye..

Siskian Leti Howi Ghamgeen Hawaon...

Siskian Leti Howi Ghamgeen Hawaon, Chup Raho

So Rahain Hain Dard, In Ko Mat Jagao, Chup Raho

Raat Ka Pathar Na Pighlay Ga Shuaaon Ke Bagair

Subaah Honay Tak Na Bolo Ham Nawao, Chup Raho

Band Hain Sab Mai Kaday, Saaqi Banay Hain Mohtasib

Ay Garajti Goonjti Kaali Ghataaon,Chup Raho

Tum Ko Hai Maaloom Aakhir Kon Sa Mausam Hai Ye

Fasl-e-Gul Aanay Talak Ay Khushnawao, Chup Raho

Soch Ki Deewaar Se Lag Kar Hain Gham Baithay Howay

Dil Mein Bhi Naghma Na Koi Gungunao, Chup Raho

Chhat Gaye Haalaat Ke Baadal Tou Dekha Jaaye Ga

Waqt Se Phele Andhairay Mein Na Jao, Chup Raho

Kiun Shareek-e-Gham Banaatay Ho Kisi Ko Ay Qateel

Apni Sooli Apne Kaandhay Per Uthaao, Chup Raho

Ho na ho yeh koi sach...

Ho na ho yeh koi sach bolney wala hai Qateel,

Jis ke hathon mein qalam, paon mein zanjeerein hain.!

Sadmaa to hai mujhe bhi...

Sadmaa to hai mujhe bhi ke tujhse judaa hoon main,

Lekin yeh sochta hoon ke ab tera kya hoon main,

Mein khudkushi ke jurm ka karta hoon aitraaf,

Apne badan ki kabr mein, kab se garrhaa hoon mein,

Kis kis ka naam laaon zubaan par ke tere saath ,

Har roz ek shaks neya dekhta hoon ,

Kyaa jaane kis adaa se liya tu ne mera naam ,

Duniyaa samajh rahi hai, ke sab kuch tera hoon main,

Le mere tajrubon se sabak, aye mere raqeeb,

Do-chaar saal umar mein, tujhse barra hoon main,

Jaaga huwa zameer woh aiyeena hai �Qateel�,

Soney se pehlay roz, jisey dekhta raha hoon main.!

Hijr Ki Pehli Shaam Ke Saaye...

Hijr Ki Pehli Shaam Ke Saaye Door Ufaq Tak Chhaaye Thay

Ham Jab Os Ke Seher Se Niklay Sab Raastay Saath Laye Thay

Jaanay Wo Kia Soch Raha Tha Apne Dil Mein Saari Raat

Pyaar Ki Baatain Kartay Kartay Os Ke Nain Bhar Aaye Thay

Mere Andar Chali Thi Aandhi Theek Osi Din Pat Jharr Ki

Jis Din Apne Jorray Mein Os Ne Kuch Phool Sajaaye Thay

Os Ne Kitnay Pyaar Se Apna Kufar Dia Nazraanay Mein

Ham Apne Emaan Ka Sodaa Jis Se Karnay Aaye Thay

Kaisay Jati Mere Badan Se Beetay Lamhon Ki Khushbuu

Khwaabon Ki Is Basti Mein Kuch Phool Mere Hamsaaye Thay

Kaisa Pyaara Manzar Tha Jab Dekh Ke Apne Saathi Ko

Pairr Pe Bethi Ek Chirrya Ne Apne Per Phailaaye Thay

Rukhsat Ke Din Bheegi Aankhon Os Ka Wo Kehna Haye �Qateel�

Tum Ko Lout Hee Jana Tha Tou Is Nagri Mein Kiun Aaye Thay.!

Yeh mojza bhi muhabbat kabhi dikhaye mujhe..

Yeh mojza bhi muhabbat kabhi dikhaye mujhe..

Kay sang tujh pe girain aur zakham aye mujhe..

Main ghar se teri tamanna jub pehan k niklun..

Barhana shehr main koe nazar na aye mujhe..

Wo mera dost hai saray jahan ko hai maloom..

Dagha karay wo kisi se to sharm aye mujhe..

Wo mehrbaan hai to iqraar kyu nahi kerta..

Wo bdguman hai to so bar azmaye mujhe..

Main apni zaat main neelam horaha hun QATEEL,

Gham-e-hayaat se keh do k kharid laye mujhe..

Aaj to hum ko paagal keh lo...

Aaj to hum ko paagal keh lo, pathar phenko, tanzz kar lo,

Ishq ki baazi khel naheen hain, khelo ge to haaro ge..!

Ibn e Insha

Hum jungle ke jogi...

Hum jungle ke jogi, hum ko aik jagha araam kahan,

Aaj yahan, kal aur nagar, subah kahan to shaam kahan.!

Insha G utho ab kooch karo...

Insha G utho ab kooch karo..

Iss shehr me g ka lagana kya

Wehshi ko sukoon se kya matlab

Jogi ka nagar me thikana kya

Iss dil k darida daman me

Dekho to sahi socho to sahi

Jis jholi me sou chhaid huay

Uss jholi ka phailaana kya

Shab beeti,chaand bhi doob chala

Zanjeer parri darwazy par

Kyun dair gaey ghar aaey ho

Sajni se karo gay bahaana kya

INSHA G utho ab kooch karo

Iss shehr me G ka lagaana kya�

Dil hijr k dard se bojhal hai...

Dil hijr k dard se bojhal hai, ab Aan milo to behter hai,

Is baat se hum ko kya matlab, yeh kaise ho yeh kyun kar ho?

Ik bheek k donon kaasay hain, ek pyaas k donon pyaase hai,

Hum khaiti hain, tum baadal ho, hum nadiya hain tum saagar ho!

Yeh dil hai k jalte seene mein, ik dard ka phora alhar sa,

Na gupt rahe na phoot bahe, koi marham ho koi nishtar hai,

Hum saanjh samay ki chhaya hain, tum charhti raat k chandar maan

Hum jaate hain, tum aate ho, phir mail ki soorat kyun kar ho!

Ab husn ka rutba aali hai, ab husn se sehra khaali hai,

Chal basti mein banjaara ban, chal nagri mein saudagar ho,

Jis cheez ki tujh ko nisbat hai, jis cheez ki tujh ko chahat hai,

Woh sona hai woh heera hai, woh maati ho ya kankar ho,

Ab Insha ji ko bulana kya, ab pyar k deep jalana kya

Jab dhoop aur chhaya ek se hon, jab din aur raat barabar ho,

Woh raaten chaand k saath gayin, woh baatein chaand k saath gayin,

Ab sukh k sapne kya dekhein, jab dukh ka sooraj sar par ho�

(Judai:Separation)(Mail:Meet)(Phora:Pimple)(Rutba:Stage,Level)