Urdu Ghazal Poetry, Hawa ki zad mein jo aa gaye the woh aasheyany bikharty dekhy,

Hawa ki zad mein jo aa gaye the woh aasheyany bikharty dekhy
Kahen pe aoraq reza reza kahen pe alfaz marty dekhy

Yon raz-e-hasti samjh mein aya fasana jan ka silsala bhi
Jo khasta peron ki tehneyon se khizan mein paty bicharty dekhy

Guzaar do zabt ki sabelon pe shidat gham ki talkheyon ko
Yeh zakham kya waqt ke saharon pe sookhy darya bhi bharty dekhy

Tumhara mera to silsala bas zara si mudat ka silsala hai
Woh log kesy the jo mohabbat mein had se aagy guzarty dekhy

Yeh qismaton ka fatoor hai jo azal se thehra hoa hai ab tak
Hein sabza zaron mein pair aisy keh jin se panchhi bhi darty dekhy

Tery badalny pe kya gila jab mujhy kabhi tum mily nahin ho
Main ne sar-e-dhoop rah mein aksar badan se saey bicharty dekhy

Yeh sal-e-no phir azeeyaton ka piyam laya hai mery ghar mein
Keh rat kamry ki seehreyon jo main ne saey utarty dekhy

Khuda kary khair ho Aqeel ab main jag betha hon jis se dar kar
Woh khawab kya tha keh aag ki zad mein shehr sary jalty dekhy.

Urdu Ghazal, Bas Meri janib do qadam kar ke chaly jana,

Bas Meri janib do qadam kar ke chaly jana
Palat kar dekhna phir aankh nam kar ke chaly jana

Kisi ko rokna to door sada tak nah de sakon
Meri is bebasi ka tum bhi gham kar ke chaly jana

Yahan ab koi nah aye yeh andheron ki basti hai
Mery dilbar mery dil par raqm kr ke chaly jana

Faqt ik bewafai hi nahin keh ab talak mujh se
So mery sath tum yeh bhi sitm kar ke chaly jana

Abhi tak phir milen ge keh nahin paye ho tum mujh se
Meri jaan yeh hai rukhsat ki rasm kar ke chaly jana

Jo kehti hein keh main tum se dobara mil nah pain gi
Lakeeren woh mery hathon se kam kar ke chaly jana

Tumhary baad to jeeny ka tasawar nahin baqi
Dafn tum bhi mujhy meri qasm kar ke chaly jana.

Dil Ki Baat,

Dil ki baat labon par la kar ab tak ham dukh sehte hain
Ham ne suna tha is basti mein dil wale bi rehte hain,

Beet gya sawan ka mahena mosam ne nazrain badlen
Lekin in payasi aankhon se ab tak aansoo behte hain,

Aik hmain awara kehna koi bara ilzam nahi
Dunya wale dil walon ko aur bohat kuch kehte hain,

Jin ki khatar shehr bi chora jin ke liye badnaam hoye
Aaj wohi ham se begane begane se rehte hain,

Wo jo abi is rah guzar se chak greban guzra tha
Us awara dewane ko jalib jalib kehte hain.




Urdu Best Poetry, Urdu Ghazal, Urdu Poetry, Best Heart touching
Poetry, Heart Touching Ghazal, Heart Touching Poetry, 

Urdu Ghazal